Urtea amaitzear dela, labetik ateratzear da jada gure hurrengo urteko Karrika berria, eduki interesgarri aunitzez osatuta: azaleko artikulua, Iruñerriko euskal agenda, Gotzon Barandiarani eginiko elkarrizketa, gure denden aukerak, e.a.

Euskararen erabilpena sustatzeko asmoz, Karrikiri Iruñeko Euskaldunen elkarteak, Karrikaluzek eta Elhuyarrek elkarlanean Iruñerrian egindako establezimendu euskaldunen zerrenda agertzen duen liburuxka eguneratua karrikan da jada.

Urtea amaitu aitzin karrikaratuko dugun Karrika aldizkariaren azkeneko alean, azaroa eta abenduko hilabeteak uztartutako zenbakian, eduki aunitz aurkituko dituzue eta horien artean aipagarri, Australiako euskal etxeko presidentea den Rubén Álvaro iruindarrari elkarrizketa. 

Opor sasoian atsedena hartu ostean, berriro helduko diogu Karrikiri elkarteak duela zenbait hilabete martxan jarritako Karrisolasa ekimenari. Euskalgintzako gaien inguruan solas tarte lasai eta patxadatsuak sortzeko asmoz sortutako egitasmoaren saio berrian elebitasunaren mito okerrak izanen ditugu solasgai.