Karrikiri elkartearen dendan erosteak gure elkarteak bideratzen dituen egitasmoetan laguntza emateaz gain, saria ere badu eta urtarrila eta otsaila partean Xabier karrikako gure saltokitik pasatako bezeroen artean, Pello Elzaburu eta Raúl Urbeltz izan dira saria eraman dutenak.

Eguraldi ona iristearekin batera, Karrikiriko denda ibiltaria handik eta hemendik ibiltzen da Nafarroako euskal sortzaileen eta orohar Euskal Herriko artista eta egileen lanak bazter guztietara hedatzen eta, horrekin batera, gure elkartearen ekonomiari bultzada ematen. Aurten ere feria, jai eta ekitaldi aunitz ditugu egitarauaren baitan eta gurekin batera horietara etortzeko gonbitea luzatu nahi dizuegu hemendik.

Heldu den larunbatean, apirilak 16, Karrikadantza egitasmo berriari ekinen diogu Zaldiko Maldikok, Euskal Dantzarien Biltzarrak eta Karrikiri Iruñeko Euskaldunon elkarteak. Euskal dantzak karrikara eramateko asmoz sortutako egitasmo berri hau hilero eginen da, hirugarren larunbatean, eta Iruñerriko lagun guztiei zuzenduta dago.

Labetik atera berria eta laster zuen etxeetara iritsiko den apirileko Karrika aldizkaria edukiz hornitu dugu berriro ere eta, besteak beste, Topaguneak sustatzen duen 3blai egitasmoko koordinatzailearekin solasean aritu gara gazteei zuzendutako ekimen honen berri izateko.

Durango azokatik bueltan liburu, diska eta DVD andana gurekin ekarri ditugu Xabier karrikako gure dendan eskura izan ditzazuen Eguberriei begira senitarteko, lagun edo zeuen buruei oparia egin diezaiozuen. Eta eskaintza oparo horren baitan, badira altxor edo perla batzuk bereziki aipatu nahiko genizkenak, zenbait kasutan Karrikiri dendan primizia moduan edo aurkituko dituzuelako. Honatx gure produktu kuttunak:

Karrikiri elkarteak Maialen Lujanbio Euskal Herriko bertsolari txapeldunaren laguntza jaso du bertsolaritza omentzeko asmoz prestaturiko elastiko berezia egiteko.

Karrikiri elkarteak eta Iruñeko Hizkuntz Eskolak gonbidatuta, Xabier Amuriza idazle, kazetari, irakasle eta bertsolariak "Euskara batuaren bigarren jaiotza" bere azken lana aurkeztu du eta haren gainean solasean arituko da hil honen 25ean Iruñeko Hizkuntz Eskolan.

Iaz euskal irratien aitzindariak omendu bazituen ere, aurtengoan Euskalerria irratiak banatzen duen Larreko saria Iruñerrian euskararen erabilpena sustatzen duen Mintzakide egitasmoak jasoko du. Sari ematea heldu den azaroaren 23an eginen da Berriozarko musika eskolan.

2010ean euskarazko ikastaroak barnetegietan egin dituzten Iruñeko bizilagunek aukera izanen dute Iruñeko Udalak emanen dituen diru laguntzak eskatzeko heldu den azaroaren 12ra bitarte.

Gipuzkoako ikastolen jaian ibili ondoren, Karrikiri elkartearen denda mugikorra Atarrabiako Paz de Ziganda ikastolak heldu den igandean antolatuko duen Nafarroa Oinez festan izanen da.