|
Ordezkariak
hautatzeko denbora
Lehenaldia
1613-! 633 urteetan Bizkaiko Batzarretako zenbait ordezkari euskaldun
elebakar Gernikako Batzar-lekutik irtenarazi zituzten gaztelera ezjakiteagatik
zigorturik. Ez zen leku bakarra izan. Garai hartako erdal komunitateak,
Euskal Herrian gutxiengoa izan arren, ongi zekien zein zen hizkuntzaren
balioa eta zer egin behar zuen bere hiztunak gizartearen muinean kokatzeko.
la lan mende beranduago, jokaera horren arrakasta begibistakoa dugu.
Orainaldia
Desorekaren alde ahuletik gauza askoz zibilizatuagoa eskatzen dugunean,
hots, gure ordezkariak elebidunak izatea -bi komunitateen eskubideak
bermatu ahal izateko-bazterkeriaren mamua aurpegiratzen digute, behin
eta berriro.
Baina desorekaren alde ahaltsuenean errukirik ez dago. Euskaldunok,
gure eskizofreniaren inkoherentzian, ordezkari erdal elebakarrak edo
“ari-naiztarrak" hautatzen ditugunean, berehala hauxe entzun
behar izaten dugu: "zuen aldarrikapenak gezurrezkoak dira, esaten
eta egiten duzuena bat ez datoz eta..."
Tamalez, ezagunegia dugu argudioa: "euskaldunak gaizki bazaudete
zuen utzikeriagatik da, baina ez saiatu gauzak aldatzen, edozein neurri
orekatzaile euskaldunak ez direnekiko bazterkeria izango litzateke eta".
Geroaldia
Bada garaia diskurtso maltzur horrekin bukatzeko. Ezin dugu aukerarik
pasatzen utzi, hizkuntza irizpide izan behar dugu gure bizitzaren arlo
guztietan, baita gure ordezkariak hautatzerakoan ere.
Gure mmorizazioaren historiari buelta eman nahi diogulako.
|
