Karrikiriren xedeei jarrikiz, hau da euskara bizitzeko dugun gogo hori kontuan izanda, Iruñerriko euskaldunei begira hainbat zerbitzu martxan jarri ditugu, hala nola:

- Bulegoa: Iruñerriko euskaldunei harrera egin eta gure eguneroko zereginak bideratzeko.

- Establezimendu euskaldunen errolda: zerbitzua euskaraz ematen duten Iruñerriko establezimenduen zerrenda.

- Karrika: elkartearen hilabetekaria, Karrikirin bideratzen ditugun ekimenen berri eman eta euskalgintzako beste hainbat gai jorratzen dituena.

- Lan poltsa: langile euskaldunen zerrenda. Lan bila ari diren lagunak eta langileak bilatzen dituztenak harremanetan jartzeko zerbitzua.

- Pisukideak: pisu bila edo gelaren bat alokatu nahi duten lagunen zerrenda

- Denda mugikorra: euskal produktuen saltoki ibiltaria

- Itzulpen zerbitzua: euskara-gaztelania, gaztelania-euskara testuak eta zuzenketa lanak 

- Mintzakide: euskararen erabilpena sustatzeko Topaguneak martxan jarritako ekimenean parte hartzen dugu Iruñerriko beste elkarte batzuekin batera.