04 JARDUERAK:

|MINTZAKIDE |KARRIKA GUREA DA |SANFERMIN EUSKARAZ |KALE NEURKETA |IRUÑEA KANTUZ

 
Bideratzen ditugun zerbitzuez gain, beste elkarte eta talde batzuekin elkarlanean hainbat jarduera burutzen ditugu. Honatx:
 

|MINTZAKIDE

Euskararen erabilera sustatzeko asmoz, hizkuntza ikasten ari diren lagunak eta euskaldun zaharrak harremanetan jartzen ditu. Nafarroako Topagunea arduratzen da koordinazioaz eta Iruñerriko hainbat elkartek, Karrikiri horien artean, parte hartzen dute.

Ekimen honetan parte hartu nahi izanez gero, jarri gurekin harremanetan eta beharrezkoa duzun informazio guztia emanen dizugu.

Deitu deitu 948 225 845 telefonora edota bidali zure mezua bulegoa@karrikiri.org posta elektronikora.

Mintzakideren bloga ezagutu nahi baduzu www.blogak.com/mintzakide. klik egin

 

|KARRIKA GUREA DA

Zaldiko Maldiko Kultur Elkarteak eta Karrikirik maitasunez beteriko proposamen bat luzatu nahi dizuete: euskaldun guztiei (zaharrak, gazteak, haurrak...) zuzendutako programazio berezia, Iruñeko karriketan noizean behin egiten dena, jende guztiei erakusteko euskaldun izatea merezi duela.

Izan ere karrikan egiten dena edonork ikus dezake; herritar guztion begien aurrean egiten dena edonork goza eta bizi dezake. Norena da, ordea, gune hori? Norena da karrika? Denona...eta denona den neurrian, gure ere bada.
Baina, nor gara gu? Gure munduaren protagonistak, gure etorkizunaren zaindariak, gure bizitzaren arduradunak, gure asmoaren eragileak...Iruñeko euskaldun guztiok gara gu.

Euskaldun izatea ez da lotsabide. Are gehiago, harrotasunez eta normaltasunez bizi nahi dugu gure nortasuna.
Jaia gustukoa dugulako, ongi pasatzea gustatzen zaigulako, gure artean harremanak sendotzea beharrezkoa delako, elkarrekin gozatzea onuragarria dela sinisten dugulako...plazara ateratzea erabaki dugu.

Adi egon urtean zehar eginen diren ekimenei eta gurekin parte hartu!!

|SANFERMIN EUSKARAZ

Sanferminetan ere, urteko beste egunetan bezala, euskaraz bizitzeko gogoa dugu eta horregatik Zaldiko Maldiko, Iruñeko peñak eta beste elkarte batzuekin elkarlanean aritzen gara euskararen erabilera areagotzeko.

Programa herrikoiaren baitan euskaldunak elkartzea xede duen egitasmoa bideratzen dugu 1995etik Zaldiko Maldiko elkartearen laguntaz; atun jana erraldoia. Hegaluzez prestaturiko menu goxoko bazkari bat antolatzen dugu Euskal Herriko kostaldeko hainbat herritan ospatzen duten arrantza eguna Iruñera ekarriz. Atuna da protagonista nagusia eta berarekin batera mahai inguruan biltzen diren lagunak eta ondoren egiten den dantzaldi bapatekoa.
Garaiz ibili behar da tokia hartu nahi izanez gero, beraz jarri gurekin harremanetan.

2008 Sanfermin euskalduna

6 igandea
Oinez Txokoa. 12:00etan txupinazoa
Euskal dantzak. Foruen plazan 13:30ean
Taldeak: Amaiur, Ardantzeta, Duguna, Harizti, Iruña Taldea, Larratz, Mikelats, Muthiko Alaia, Oberena, Ortzadar eta Txori Zuri.
Gaitarien alardea. Merkatuko Zakatinetik II. Zabalgunera.
Herri dantzak. Iluntzeko 9etan Gazteluko plazan.

7 astelehena
Herri dantzak. Iluntzeko 9etan Gazteluko plazan.
Euskal Musika. Tapia eta Leturia. Taconera parkean (Oinez Txokoan) 24:00etan.

8 asteartea
Herri kirolak. Nafarroako tronzalarien txapelketa (1. maila, kadeteak eta emakumezkoak), aizkolarien erakustaldia eta Nafarroako zama-jasotzaileen txapelketa. Foruen plazan eguerdiko 12:00etan.
Euskal Musika. Bertsolariak Taconera parkean (Oinez Txokoan) 13:00etan.
Oinez Txokoa. Mashara arratseko 8etan.
Herri dantzak. Iluntzeko 9etan Gazteluko plazan.
Oinez Txokoa. Jo tta kun eta Motobomba 24:00etan.

9 asteazkena
Herri kirolak. Nafarroako Harri-jasotzaileen txapelketa, emakumezko aizkolarien erakustaldia, proba konbinatuak (kimuak) eta haurrendako herri kiroletako probak, Foruen plazan, eguerdiko 12:00etan.
Euskal Musika. Trikitilariak Taconera parkean (Oinez Txokoan) 13:00etan.
Bazkaria. Zaldiko Maldiko Elkartearen atarian, “Atun jana” 14:30ean. Karrikiri Elkarteak antolatua.
Pailazoak. Gari, Montxo eta Joselontxo, Taconera parkean (Oinez Txokoan), 18:00etan.
Herri dantzak. Iluntzeko 9etan Gazteluko plazan.
Oinez Txokoa. Azken Hatsa eta Arima Sutan 24:00etan.

10 osteguna
Herri kirolak. Nafarroako aizkolarien txapelketa (3. maila), motozerralarien San Fermin X. Saria. Mikel Saralegi harri-jasotzailearen erakustaldia. Foruen plazan eguerdiko 12:00etan.
Euskal Musika. Trikitilariak Takonera parkean (Oinez Txokoan) 13:00etan.
Bazkaria. Zaldiko Maldiko Elkartearen eguna elkartearen atarian.
Bazkaria. AEK eguna. Errekoletas karrikan.
Oinez Txokoa. Asisko Urmenetaren karikaturak arratsaldeko 6etan.
Herri dantzak. Iluntzeko 9etan Gazteluko plazan.
Euskal Musika. Amaren alabak eta Akatu. Taconera parkean (Oinez Txokoan) 24:00etan.

11 ostirala
Herri kirolak. Tronzalarien eta aizkolarien erakustaldia, Joxe Bikondoaren eta Kañamares anaien erakustalia (oholak egitea eta enbor-ebaketa aitzurrez). Foruen plazan eguerdiko 12:00etan.
Euskal Musika. Trikitilariak Taconera parkean 13:00etan.
Herri dantzak. Iluntzeko 9etan Gazteluko plazan.
Euskal Musika. Esne Beltza. Taconera parkean 24:00etan.

12 larunbata
Herri kirolak. Nafarroako txapelketak: ingude-jasotzaileak eta txinga-erutea. Erakustaldia: Motozerralariak, zama-jasotzaileak eta zama-jaurtitzaileak. Foruen plazan eguerdiko 12:00etan.
Euskal Musika. Trikitilariak Taconera parkean (Oinez Txokoan) 13:00etan.
Sanferminetan kantari. Eguerdiko 12:00etan Mercaderes karrikatik abiatuta. Orreagak antolaturik.
Bazkaria. San Jose plazan, arratsaldeko 3etan. Orreagak antolaturik.
Herri dantzak. Iluntzeko 9etan Gazteluko plazan.
Euskal Musika. Anestesia eta Hautsi. Taconera parkean (Oinez Txokoan) 24:00etan.

13 igandea
Herri kirolak. Nafarroako binakako aizkolariak eta gurdi-jasotzaileak. Erakustaldia: Iñaki eta Inaxio Perurena harri-jasotzaileak eta emakumezko harri-jasotzaileak. Foruen plazan eguerdiko 12:00etan.
Euskal Musika. Txistularien XLIX. alardea Taconera parkean (Oinez Txokoan) 13:00etan.
Herri dantzak. Iluntzeko 9etan Gazteluko plazan.
Oinez Txokoa. Makuluken eta Zenzerock 24:00etan.

14 astelehena
Herri kirolak. Erakustaldia: soka-tira, aizkolariak (kana-enborra) eta proba konbinatuak.
Herri dantzak. Iluntzeko 9etan Gazteluko plazan.Euskal giroko txokoak.

  • Euskal Giroko txokoak:
    ZALDIKO MALDIKO
    IKAren eskutik (Antsoleaga, 9-11)

    EHE
    Jarauta karrikan

    Nafarroa Oinez
    Taconera parkea

    Bestetik, Sanferminetan euskal giroan murgildu nahi baduzu hurbildu Antsoleaga karrikan dagoen Zaldiko Maldikora (ikus irudian) edo Nafarroa Oinezen txosnara.

 

Atun jana, uztailak 9

 

|KALE NEURKETA

Euskal Herri mailan euskararen erabilera neurtzeko Soziolinguistika Klusterrak bideratzen duen Kale Neurketa, Iruñerriari dagokionez, Karrikiri elkartearen bidez koordinatzen da. 2006tik aitzina bost urtean behin –erroldarekin batera- egiten den neurketa hau hainbat lagunen laguntzari esker ateratzen da aurrera Euskal Herrian ez ezik, Iruñerrian ere bai. Horiei guztiei esker, aldez aurretik finkatutako data, ordutegi eta ibilbideetan aurkitzen diren pertsonen elkarrizketa hizkuntza jasotzen da eta modu horretan euskararen erabilera jakiteko parada izaten dugu. Iruñerrian ikerketa horretatik jasotako emaitzak, Euskal Herriko beste herri eta hirietakoekin elkartu eta aztertu ondoren, BAT aldizkarian ematen dira ezagutzera.

2006ko kale neurketaren emaitzak prest izanen direnean horien berri emanen dizuegu.
 

|IRUÑEA KANTUZ

Euskaldunok kantatzen ibiltzeari diogun zaletasunari erreparatuta eta Baionan aspaldi hasitako ohitura bati jarraikiz, Iruñerriko hainbat elkarterekin batera “Iruñea kantuz” egitasmoari heldu genion 1995ean. Hilabeteko lehenengo larunbatean alde zaharreko karriketan lagun koadrila biltzen gara euskal doinuak abestuz ongi pasatzeko asmoz. Zuk ere gurekin bat egin nahi baduzu, eztarria berotu eta hurbildu eguerdiko 12:00etan Iruñeko Mercaderes karrikara.
 
 
Karrikiri Elkartea. Xabier karrika 4 (Gazteluko plazaren ondoan). 31001. Iruñea. Tel.948 225 845. bulegoa@karrikiri.org