02 ZERBITZUAK:

|INFORMAZIOA |ESTABLEZIMENDU EUSKALDUNEN ERROLDA |KARRIKA |LAN POLTSA |PISUKIDEAK
|DENDA MUGIKORRA |ITZULPEN ZERBITZUA

|INFORMAZIOA

Informazioa jasotzea eta zabaltzea dira Karrikiriko bulegoaren xede nagusiak. Horretaz gain, taldeak eskaintzen dituen zerbitzuak koordinatu eta prestatu eta Karrikiriren eguneroko jarduera egoki antolatzeko gunea da. Bulegoa arratsaldeko 5etatik 8ak bitarte dago zabalik Xabier Jaitsierako 4. zenbakian. Telefonoa: 948 225 845, e-maila: bulegoa@karrikiri.org

|ESTABLEZIMENDU EUSKALDUNEN ERROLDA/SAREA

Denda eta zerbitzuetan euskaldunon arteko harremanak ahalbidetu nahi dituen ekimena da hau. Horretarako zerbitzua euskaraz eskaintzen duten establezimenduen zerrenda osatu dugu Iruñerriko euskaldunok bertaratzen garenean euskaraz aritzeko aukera izan dezagun.
Dagoeneko Iruñerria osoko establezimenduen zerrenda osatu dugu (Iruñea, Berriozar, Burlata, Atarrabia, Uharte, Antsoain eta Zizur Nagusia).

2007ko sariak
Zerbitzu erroldako zozketa egin eta hauek izan dira irabazleak: Aitziber Aurrekoetxea, Itxaso Garcia, Aitor Garmendia eta Lorena Garciarena. Zorionak lauroi!
Hurrengo zozketan, saia zaitez zu. Bitartean euskaraz eskatu!.
Hirugarren zozketa honetan saria eman dute establezimendu hauek:
Anttonenea Jatetxea, Caballo Blanco Jatetxea, Meson de la Navarreria, Amalur denda, Xaboiak denda, Angelines mertzeria, Cipriano arraindegia, Bereziak denda, Irigoien harategia, Karrikiri Euskaldenda, Comedias Bidean denda, Javier harategia, Texartu denda, Aranburu Botika, Skunfunk denda, Biona denda, Mena argazkidenda, Nieves Urdaniz Brodatuak, Askapena, Arantxa Ileapaindegia, Albala akademia eta Agustin tailer artistikoa.

Adi lagun!!
Zerrenda honetan ez dagoen establezimendu euskaldunen bat ezagutuz gero, gurekin harremanetan jarri mesedez. Zure laguntzarekin zerrendarik osatuena eta eguneratuena izanen dugu. MILA ESKER!

Tel. 948 225 845| bulegoa@karrikiri.org

|KARRIKA

Karrikiri Iruñerriko euskaldunengana heltzeko hedabidea da, elkartearen eta euskal komunitatearen berriak biltzen dituena. Hilero argitaratzen da eta milaka etxeetara bidaltzeaz gain, hainbat eskola, institutu, erakunde eta elkartetan ere banatzen da. 2007. urtean 10 urte bete dira jada lehenengo Karrika atera genuenetik. Denak ikusi nahi baldin badituzu jo ezazu gure hemerotekara.

Karrika etxean jaso nahi izanez gero, bete zure datuak eta ahal bezain laster esaten diguzun helbide horretan jasoko duzu. Ordenagailuan jaso nahiko bazenu, eman zure helbide elektronikoa eta PDF formatuan igorriko dizugu.

Gogoan hartu!
Karrikaren baitan hilero argitaratzen dugun Iruñerriko euskarazko ekitaldien agendan sartzeko moduko ekitaldi kulturalen bat izanez gero, jarri gurekin harremanetan hilaren 20a baino lehen eta gusto handiz emanen dugu horren berri.

|LAN POLTSA

Lan bila eta lana eskaintzen dutenen artean zubi lana egiteko asmoa duen zerbitzua da. Lagun horien guztien izenak datu basean bildu eta langile euskaldunen bila ari denari pasatzen zaizkio eskatzen den profilari erreparatu ondoren. Era berean, lan bila ari den lagunari dauden eskeintzen berri ematen zaio.

Lan bila baldin bazabiltza eta zure izena datu basean sartzea nahiko bazenu, eman zure datuak. klik egin

langile euskaldunik behar baduzu. klik egin


Adi lagun!!
Datu basea eguneratuta eduki ahal izateko ezinbestekoa dugu zure laguntza. Lana aurkituz gero, jarri lehenbailehen gurekin harremanetan eta baja emanen dizugu. Mila esker.

|PISUKIDEAK

Pisukide euskaldunak bilatzeko zerbitzua da; pisu bila edo haienean toki bat duten euskaldunei zuzenduta dago.
Lagun horien guztien izenak datu base batean biltzen ditugu norbait guregana jotzen duenean haien berri emateko.

Pisukideak bilatzen ari baldin bazara edo pisua alokatu nahi baldin baduzu eman zure datuak.

Adi lagun!!
Datu basea eguneratuta izateko behar beharrezkoa da zure laguntza. Pisukideak aurkitu edo etxeko gela alokatzen baldin baduzu, jarri gurekin harremanetan zerbitzuan baja eman diezazugun. Mila esker.
6 hilabete pasa ondoren zure berririk jaso ez badugu gure zerrendatik kenduko zaitugu.

|DENDA MUGIKORRA

Euskal produktu kulturalen sustapena eta salmenta bultzatzeko ekimena da. Gure denda ibiltariarekin urtean zehar izaten diren hainbat ekitaldi bisitatzen ditugu (Nafarroa Oinez, "Zapato Azule" jaia -Ondarroa-, Sortzen festa, e.a) Nafarroako euskal sortzaileen lanak bereziki, baina Euskal Herri osoko egileen lanak eta oro har euskal kultura ezagutzera emateko asmoz. Eta salmentetatik lortzen diren etekin guztiak Karrikiriko zerbitzuak sustatzeko erabiltzen ditugu.

Zure herrian edo hirian euskal ekitaldiren bat antolatu eta gure denda han izatea nahi baduzu, jarri garaiz gurekin harremanetan eta aukera izanez gero, hantxe izanen gaituzu.

|ITZULPEN ZERBITZUA

Euskarazko itzulpenak (gaztelaniatik euskarara eta euskaratik gaztelaniara) eta zuzenketak egiten ditugu. Edozein testu mota (merkatarientzako itzulpenak, testu liburuak, webguneak...) edo lan itzuli nahi izanez gero, jarri gurekin harremanetan eta aurrekontua prestatuko dizugu.

Arazorik sortu ez dadin, ahal izanez gero saiatu mesedez itzuli beharreko testua Word formatuan ekartzen.